G‘arbiy Afrika mamlakatlarida Ebola bezgagidan halok bo‘lganlar soni 3000 kishidan oshib ketdi. Bu haqda Butunjahon sog‘liqni saqlash tashkiloti bayonotiga tayanib, BBC xabar bermoqda.
So‘nggi ma’lumotlarga ko‘ra, mazkur mintaqada 6500 dan ziyod kishi Ebola virusini yuqtirib olgan. Noyabr oyining boshlarigacha ularning soni 20 mingdan oshishi taxmin qilinmoqda. Ayni damda mazkur virus oqibatlari bilan bog‘liq eng keskin vaziyat Liberiyada kuzatilmoqda. Bu yerda qayd etilgan 1830 o‘lim holati Ebola natijasi ekani ma’lum qilindi.
Nashrda ta’kidlanganidek, ushbu epidemiya G‘arbiy Afrika davlatlaridagi shundoq ham yaxshi rivojlanmagan sog‘liqni saqlash tizimida vaziyatni yanada keskinlashtirdi.
AQSh prezidenti Barak Obama Ebolani “global xavfsizlikka tahdid” deb atadi. Xabar berilganidek, AQSh epidemiya bilan kurashish uchun Liberiyaga 3000 nafar harbiyni jo‘natishni rejalashtirgan.
Izoh (0)