Turkmanistonning rahbar mansabdorlari qora rangli Mercedes xizmat mashinalarini oq rangdagi xuddi shunday avtomobillarga almashtirdi, deya xabar bermoqda “RIA Novosti” mamlakat hukumatidagi manbasiga tayanib.
Ma’lum bo‘lishicha, vazirliklar, idoralar, tashkilot va muassasalar rahbarlarining 160 nafari birinchilardan bo‘lib oq rangli Mercedes-Benz E 300 avtomashinalariga ega bo‘lgan. Eng so‘nggi bo‘lib Turkmaniston OAVlari rahbarlari — gazeta, jurnallar bosh muharrirlari, televideniye va radio rahbarlari o‘z avtomobillarini o‘zgartirgan.
Hozirgi paytda qora Mercedes avtomobillari viloyat va tumanlar rahbariyati tomonidan ishlatilishda davom etmoqda. Biroq Mercedes mashinalari taqdim etilgan amaldorlarning barchasiga oq modellarni berish ko‘zda tutilgan.
Prezident Gurbanguli Berdimuhammedov bu borada namuna ko‘rsatdi: ommaviy tadbirlarga odatda qora limuzinda keldigan davlat rahbari so‘nggi vaqtlarda oq rangdagi mashinada paydo bo‘lmoqda.
Rahbarlar mashinalarining nima sababdan almashtirilayotgani, ko‘p sonli premium-klass qora Mercedes’lar endi qay tarzda ishlatilishi noma’lum.
Ta’kidlash joiz, Mercedes-Benz E 300’ning har biri 100 ming dollardan ziyod narxga ega.
Izoh (0)