Rossiyaning O‘zbekistondagi elchixonasi “Ezgu ishlar o‘n kunligi” tadbirini o‘tkazadi

2014-yil oktabr oyida Rossiya Federatsiyasining O‘zbekistondagi elchixonasi an’anaviy “Ezgu ishlar o‘n kunligi” tadbirini tashkillashtiradi. Bu haqda Rossiya elchixonasi matbuot xizmatiga tayanib, UzDaily.uz xabar bermoqda.

Joriy yilda mazkur tadbir Angren, Andijon, Olmaliq, G‘azalkent, Jizzax, Do‘stobod, Zarafshon, Qarshi, Navoiy, Namangan, Nukus, Samarqand, Termiz, Urganch, Uchquduq, Farg‘ona, Chinoz, Chirchiq va Yangiyo‘l shaharlarida o‘tkaziladi.

Mazkur o‘n kunlik doirasida elchixona xodimlari rossiyalik fuqarolar uylariga tashrif buyurib, konsullik muammosi va boshqa umumiy masalalar bo‘yicha maslahatlashuvlar olib boradi.

Elchixona xodimlari, shuningdek, Ikkinchi Jahon urushi va mehnat veteranlari hamda kam ta’minlangan rossiyaliklarga moddiy yordam ko‘rsatadi.