Janubiy Koreyaning Incheon shahrida davom etayotgan Osiyo o‘yinlarining tennis musobaqalarida uch nafar o‘zbekistonlik sportchi ikkinchi bosqich musobaqalarida ishtirok etdi, deb xabar bermoqda “Olamsport”.
Temur Ismoilov ummonlik Yunus Ravahini ikki setda 6:0, 6:0 hisobida tor-mor etdi. Ismoilov ertaga uchinchi bosqichda xitoylik Vu Diga qarshi kortga tushadi.
Sanjar Fayziyev esa pokistonlik Muhammad Abid ustidan ikki setda 6:2, 6:0 hisoblarida g‘alabaga erishdi. Sanjar ertaga taypeylik tennischi Vang Yeu Szuo bilan bellashadi.
Nigina Abduraimova esa pokistonlik Sara Mansurga hech qanday imkoniyat qoldirmadi — 6:0, 6:0. Endi Nigina ertaga Xitoy Taypeyi vakili Xsyu Chiye Yu bilan kim kuchli ekanini aniqlab oladi.
Bundan tashqari, Oqgul Omonmurodova ertaga uchinchi bosqichda janubiy koreyalik Jang Sujeongga qarshi kortga tushadi.