18-sentabr kuni O‘zbekiston Janubiy Koreyaning Incheon shahrida davom etayotgan Osiyo o‘yinlari — 2014 doirasida Bangladeshni yirik hisobda mag‘lubiyatga uchratgani haqida avval xabar bergan edik. Biroq 19-sentabr kuni Osiyo futbol konfederatsiyasining Facebook’dagi sahifasida O‘zbekiston termasining Bangladeshdan mag‘lubiyatga uchragani yozib qoldirildi, deya xabar bermoqda Sports.uz. Bu rasmiy sahifa bo‘lgani bois bundagi har bir ma’lumotga rasmiy nuqtai nazar bilan yondashiladi.
“Bu oddiy xatomi yoki OFKdagilar muxlislarning hushyorligini sinab ko‘rmoqchimi? Balki, orzularini shu taxlit bayon qilayotgandir”, — deb yozadi nashr.
Ayrim muxlislar (bangladeshlik bo‘lsa kerak) xabarga mamnun bo‘lib izoh qoldirgan. Ko‘pchilik esa OFKning noprofessional ishi ustidan kulgan, xolos.
Biroq ko‘p o‘tmay, xabardagi xatolik tuzatib qo‘yildi.
Izoh (0)