Bugun, 15-sentabr kuni Toshkent shahridagi 2-yuridik kollej yonida 9-tramvay relsdan chiqib ketdi. Bu haqda “Daryo” nashriga voqeaga guvoh bo‘lgan mobil muxbir xabar bermoqda.
Hodisa ertalabki 7:10 da Chilonzor tumanidagi “Afro‘z” qahvaxonasi yaqinida sodir bo‘lgan.
Hodisa natijasida hech kim zarar ko‘rmagan. Tramvaydagi yo‘lovchilar zudlik bilan transportni tark etgan.
Voqea joyiga yo‘l-patrul xizmati yetib kelgan. Qutqaruv krani yordamida tuzatish ishlari olib borilgan. Shu yo‘nalishdagi tramvay harakati 38 daqiqaga to‘xtab qolgan.
Hodisa yuzasidan rasmiy ma’lumot berilmadi.
Izoh (0)