Tibetning diniy va siyosiy yetakchisi dalay-lama Rossiya prezidenti Vladimir Putinning boshqaruv usullarini tanqid qildi. U Rossiya rahbarini yangi Berlin devori qurishga urinishda aybladi. Bu haqda Korrespondent.net xabar berdi.
Dalay-lama fikricha, rossiyalik siyosatchi o‘z mamlakati tepasida juda uzoq vaqtdan buyon hukmronlik qilmoqda. “Janob Putin avval prezident bo‘ldi, so‘ng bosh vazir bo‘ldi va yana prezident bo‘ldi. Bu sal ko‘proq emasmikin?” — dedi dalay-lama Germaniyaning Die Welt gazetasiga bergan intervyusida.
“Bu shuni ko‘rsatadiki, u ‘men, men, men’ degan o‘taketgan xudbinlikka ega”, — dedi buddoyilar yetakchisi, Rossiya bilan bog‘liq muammolarning asosi shundan iborat ekanligiga ishora qilar ekan.
Dalay-lama shuningdek, Xitoydan farqli ravishda Rossiya va uning prezidenti ayni paytda global siyosiy tizimning bir qismi bo‘lmoqchimasligi va uzoq vaqt davomida o‘yinning xalqaro qoidalarini qabul qilmoqchimasligini aytdi. U Putin “ehtimol yangi Berlin devorini qurishga intilayotgani, biroq bunda o‘z mamlakatiga zarar yetkazayotgani”ni ta’kidladi. Dalay-lama fikricha, Rossiya uchun izolyatsiya o‘z joniga qasd qilish bilan tengdir.
Izoh (0)