AQShning Oregon shtati Portlend shahridagi DoveLewis Emergency Animal Hospital veterinariya klinikasi shifokorlari operatsiya chog‘ida itning oshqozonidan 43 yarimta paypoqni chiqarib oldi. The Oregon nashrining xabar berishicha, jarrohlik amaliyotidan so‘ng jonivorning salomatligi to‘liq tiklangan.
Ikki soatdan ko‘proq davom etgan operatsiya 2014-yilning fevralida o‘tkazilgan, biroq klinika xodimlari u haqda sentabrdagina aytib berishdi. Nemis dogi xo‘jayini buncha paypoq qanday qilib itning oshqozoniga tushib qolganini tushuntirib bera olmadi.
It bir necha kun davomida hech narsa yemasdan, faqat qayt qila boshlagach, uning xo‘jayini veterinarlarga murojaat qilgan. Uni rentgenga tushirib, oshqozonida yot buyumlar borligini aniqlashgan. Biroq ularning aynan paypoq ekanligini operatsiya chog‘idagina bilishgan.
Izoh (0)