Buyuk Britaniyada yashovchi 63 yoshli Glinis Barnett ismli ayol ikki yil avval turmush o‘rtog‘i Jondan ayrilib, chuqur qayg‘uga tushadi. Uzoq vaqt o‘zini qo‘lga ola olmagach, u marhum eridan olmos yasattirib, uni doim o‘zi bilan olib yurmoqchi bo‘ldi. Bu haqda Daily Mail xabar berdi.
Gap shundaki, ayol turmush o‘rtog‘i jasadining kulini sochib yubormoqchi bo‘lganida, dugonalaridan biri undan qimmatbaho tosh yasattirish mumkinligini aytib qoladi. Bu haqdagi tafsilotlarni yaxshilab o‘rgangach, u Manchesterning kuldan qimmatbaho buyumlar yasovchi Phoenix Memorial Diamonds firmasiga murojaat qiladi. Glinisdan erining 100 gramm kulini buyurtma pochta bilan yuborish va avans sifatida 4,1 ming dollar to‘lashni so‘rashadi.
3 oydan so‘ng ayol 0,75 karatlik sariq olmosni pochta orqali qabul qilib oladi. Shundan so‘ng u kompaniyaga yana 4 ming dollar to‘laydi.“Sarflagan pullarimga hech ham achinmayman, axir endi Jon doimo men bilan birga bo‘ladi. Olmosni uzukka qadab qizimga meros qoldiraman. Erim bu qarorimdan kulgan bo‘lardi, biroq men boshqacha ish tuta olmasdim”, — dedi Glinis Barnett.
Izoh (0)