Rossiya prezidenti Vladimir Putin Ukraina prezidenti Pyotr Poroshenko bilan muzokaralar chog‘ida Donetsk va Lugansk viloyatlariga gumanitar yordam berish borasida kelishuvga erishilganini ma’lum qildi, deb yozadi “Segodnya”.
“Biz Donetsk va Luganskka gumanitar yordam berish zarurati haqida gaplashdik. Qay tarzda hamkorlik qilishimiz to‘g‘risida kelishib oldik”, — deya qo‘shimcha qildi u.
Putin shuningdek gaz muammolari bo‘yicha konsultatsiyalarni yangilash haqida ham bitimga erishilganini aytdi. “Men ham, prezident Poroshenko ham energetika, gaz energetikasi masalalari bo‘yicha muzokaralarni qayta boshlash kerak deb hisoblaymiz”, — dedi u.
Nashrning eslatishicha, avvalroq Poroshenko 6-sentabr kuni Ukraina, Yevroittifoq va Rossiya o‘rtasida energetika masalalari bo‘yicha navbatdagi konsultatsiyalar bo‘lib o‘tishini ma’lum qilgan edi.
Izoh (0)