16—17-avgust kunlari Buxoroda e-sport bo‘yicha Zo‘r-Zo‘r UCG 2014 O‘zbekiston chempionatining mintaqaviy saralash turnirlari bo‘lib o‘tdi. DotA All Stars va FIFA14 o‘yinlari bo‘yicha musobaqalar natijalariga ko‘ra milliy final ishtirokchilari aniqlandi. Bu haqda Infocom.uz xabar berdi.
16-avgust kuni DotA All Stars jamoaviy o‘yini bo‘yicha musobaqa bo‘lib o‘tdi. Unda qatnashish uchun jami 22 ta jamoa ro‘yxatdan o‘tdi.
1-o‘rin uchun “Bilayn” diplom va sovrinlariga Atoyev Amir, Salomov Bobur, Jalolov Mirali, Hidoyatov G‘afur va Elov Sherzoddan iborat Allstars guruhi loyiq deb topildi. 2-o‘rinni Too Easy jamoasi, 3-o‘rinni TopWar jamoasi egalladi.
Allstars jamoasi 20-sentabr kuni Toshkentda bo‘lib o‘tadigan DotA All Stars o‘yini bo‘yicha milliy finalda ishtirok etish huquqiga ega bo‘ldi.
17-avgust kuni esa Buxoroda yana bir o‘yin — FIFA14 bo‘yicha musobaqa bo‘lib o‘tdi, unda 26 nafar e-sportchi qatnashdi.
1-o‘rin uchun “Bilayn” diplom va sovriniga Nasrulloyev Boburshoh ega bo‘ldi. 2- va 3-o‘rinlarni Turayev Akobir va Ashrapov Timur egalladi.
Nasrulloyev Boburshoh 26-sentabr kuni Toshkentda ICTExpo 2014 Xalqaro ko‘rgazmasi doirasida o‘tkaziladigan milliy finalga yo‘llanma oldi.
FIFA14 bo‘yicha O‘zbekiston chempioni esa Fransiyada bo‘lib o‘tadigan ESWC2014 jahon kubogi finalida qatnashish huquqiga ega bo‘ladi.
Keyingi mintaqaviy saralash bosqichi 23—24-avgust kunlari Samarqandda o‘tkaziladi.
Izoh (0)