2014-yil yanvar—iyulida GM Uzbekistan Rossiyaga avtomobil eksportini 14 foizga qisqartirdi

GM Uzbekistan YoAJ QK 2014-yil yanvar—iyulida Rossiyaga avtomobil eksportini o‘tgan yilning shu davriga nisbatan 14 foizga — 26,86 ming donagacha kamaytirdi. Bu haqda Yevropa biznesi assotsiatsiyasi Avtomobil ishlab chiqaruvchilar qo‘mitasiga tayanib, UzDaily xabar berdi.

Korxona iyul oyida 2841 ta avtomobil sotgan, bu 2013-yilning shu oyiga qaraganda 27 foizga kamdir.

GM Uzbekistan’ning Rossiya bozoridagi ulushi 2014-yil birinchi yarmida 1,9 foizni tashkil qildi. O‘tgan yilda esa ushbu ko‘rsatkich 2 foizga teng bo‘lgan.

2014-yil yanvar-iyun yakunlari bo‘yicha, GM Uzbekistan Rossiyada avtomobillar savdosi hajmi bo‘yicha 17-o‘rinni egalladi. Korxonaning hech qaysi modeli hisobot davrida Top-25 bestsellerlar ro‘yxatiga kirmadi.