YuKOS sobiq rahbari Mixail Xodorkovskiy xalqaro hakamlar sudining hukmini ma’qulladi, unga ko‘ra, Rossiya kompaniyaning sobiq aksiyadorlariga 50 milliard dollar to‘lashi kerak.
“RIA Novosti” yozishicha, Gaagadagi hakamlar sudi YuKOS sobiq aksiyadorlari foydasiga ular talab etgan 114 milliard dollar o‘rniga, 50 milliard dollar hukm qilib, ularning da’volarini qisman qondirdi.
Xodorkovskiy sud ishida tomonlardan biri sifatida ishtirok etmagani, sud jarayoni yakunlari bo‘yicha hech qanday moliyaviy daromad olmasligini ta’kidladi. Shu bilan birga u natijadan qoniqish bildirdi.
2006-yilda Moskva hakamlar sudi soliq organi arizasi bilan YuKOSni bankrot deb e’lon qilgan, uning asosiy aktivlari “Rosneft”ga o‘tgan edi. YuKOS sobiq aksiyadorlari Gaaga sudiga murojaat qilib, kompaniya majburan tortib olingani uchun tovon puli talab qilgan.
Izoh (0)