Qozog‘istondan Amsterdam orqali tranzit bilan uchayotgan olti kishidan iborat oila Malayziya aviakompaniyasining “Boing”i qulab tushganida halok bo‘ldi. Bu haqda “RIA Novosti” xabar berdi.
Shell kompaniyasining xodimi Tambi Ji rafiqasi va to‘rt farzandi bilan ishi kompaniyaning Kuala-Lumpurdagi bosh ofisiga ko‘chirilgani sababli Qozog‘istondan Malayziyaga qaytayotgan bo‘lgan.
Tambining rafiqasi Ariza ijtimoiy tarmoqlardan faol ravishda foydalangan va samolyotga chiqqunlaricha, yig‘ilgan jomadonlari suratini Facebook va Twitter’ga joylagan.
Halokatga uchragan samolyot bortida Tambidan tashqari, Shell kompaniyasining yana ikki xodimi bo‘lgan. Kompaniya vakili o‘z xodimlari halokatini tasdiqlagan.
Izoh (0)