Muzqaymoq ishlab chiqara oladigan 3D-printer taqdim etildi

Amerikalik talabalar muzqaymoq ishlab chiqara oladigan 3D printerni taqdim etishdi. Bu haqda Mail.Ru xabar berdi.

Uch nafar ixtirochi talaba Solidoodle nomli 3D printerini muzlatgichning ichiga joylashdi va unga muzqaymoq hamda suyuq azot yordamida muzqaymoq hosil qilishni “o‘rgatishdi”. Jarayonda azot muzqaymoqni muzlatish va unga yaxshiroq shakl berish uchun ishlatiladi.

Qurilmaning muzaqaymoqqa shakl berishida xatolar ko‘p. Shu bois muzqaymoqning bir qancha qismi ortiqcha bo‘lib qolmoqda. Bu esa ixtirochilarni xavotirlantirmayapti.

Ixtirochilarning so‘ziga ko‘ra, printer bu holatga kelguncha ular ancha muzqaymoqni bajonidil yeyishlariga to‘g‘ri kelgan :)

Talabalarning “ilmiy ish”i ularga texnika nafaqat qiziqarli, balki “shirin” ham ekanligini ta’kidlaydi.