16-iyul, chorshanba kuni Qirg‘iziston prezidenti Almazbek Atambayev O‘zbekiston Tashqi ishlar vaziri Abdulaziz Komilovni qabul qildi, deya xabar beradi UzDaily.uz.
Qirg‘iziston Respublikasi prezidenti matbuot xizmatining ma’lum qilishicha, uchrashuv davomida O‘zbekiston-Qirg‘iziston aloqalari yuzasidan dolzarb masalalar muhokama qilindi.
Qirg‘iziston prezidenti Almazbek Atambayev ikki mamlakat o‘rtasidagi mavjud bo‘lgan dolzarb masalalarni hal etish hamda o‘zaro aloqalarni yanada chuqurlashtirish muhimligini ta’kidladi.