Samsung kompaniyasining yangi plansheti Galaxy Tab S’ning dunyo bo‘ylab sotuvi boshlandi, shu bois uning reklamalari ham chiqarildi. Yangi reklama roliklarida asosiy raqib — Apple iPad Air’ning kamchiliklari tanqid qilingan. Bu haqda Mail.Ru xabar berdi.
Birinchi videorolikda ikki xil planshetdan foydalanayotgan yigitlar tasvirlangan. iPad Air’dan video ko‘rayotgan yigit displey ranglaridagi kamchlik sabab ayrim harakatlarni payqay olmaydi. Galaxy Tab S foydalanuvchisi esa Super AMOLED displey evaziga videoni kamchliklarsiz tomosha qiladi.
Ikkinchi videorolikda esa Samsung Galaxy Tab S plansheti ekranidan bir vaqtning o‘zida bir nechta funksiyalardan foydalanish mumkinligi tasvirlangan. iOS 8 operatsion tizimida ham bunday xizmat bo‘lishi kutilmoqda, lekin bu xabar rasman tasdqilanmagan. Shuning uchun Samsung o‘z planshetining Apple planshetidan ustun ekanligini ko‘rsatishga haqi bor, deyiladi xabarda.
Eslatib o‘tamiz, Samsung Galaxy Tab S plansheti ikki xil – 8,4 va 10,5 dyuymli displeyga ega bo‘ladi. Shuningdek ularda sakkiz yadroli Exynos 5 Octa (1,9 chastotaga ega to‘rt yadroli + 1,4 chastotaga ega to‘rt yadroli) protsessori o‘rnatiladi. Ularning tezkor xotirasi 3 Gb va MicroSD yordamida oshirish mumkin bo‘lgan doimiy xotirasi 16 Gigabaytni tashkil etadi.
Oq va bronza rangida chqarilishi rejalashtirilayotgan planshetlarning og‘riliklari 465 va 294 gramm bo‘ladi. Ularda 2,1 megapikselli old va 8 megapikseli orqa kameralar o‘rnatiladi. Batareyalar quvvati esa 8,4 dyuymlisi uchun 4900 mA·soat va 10,5 dyuymlisi uchun 7900 mA·soatni tashkil etadi.
Izoh (0)