12-iyul 04:22 (Toshkent vaqti bilan 00:22)da Yaponiyaning shimoli-sharqidagi Xonsyu orolida kuchli zilzila kuzatildi. Jabrlanganlar yo‘q, deb xabar berdi Reuters.
6,8 ball bo‘lgan zilzila o‘chog‘i Tinch okeanida 10 kilometr chuqurlikda bo‘lgani aniqlandi. 4 balli silkinishlar Ivate, Miyagi va Fukusima prefekturalarida kuzatildi. Sohilbo‘yi hududlarda sunami xavfi e’lon qilindi.
Sunami Fukusima atom elektr stansiyasiga hech qanday ta’sir ko‘rsatmagan.
Yaponiya meteorologik agentligi bergan axborotga ko‘ra, qirg‘oqbo‘yi tumanlarda dengiz sathi ko‘tarilishi mumkin, biroq sunami jiddiy zarar yetkazmaydi.
Agentlik vakilining aytishicha, bugungi silkinishlar 2011-yil 9 ball bilan qayd etilgan, 19 ming kishining halokatiga sabab bo‘lgan zilzilaning davomi bo‘lishi mumkin.
Izoh (0)