Sony kompaniyasi selfi-suratlar olish uchun mo‘ljallangan Xperia C3 smartfonini taqdim etdi. Bu haqda Gizmodo sayti xabar berdi.
Sony Xperia C3 smartfonida asosiy e’tibor avtoportret olishga qaratilgani bois, uning old kamerasi 5 megapiksel bo‘ladi va unda maxsus sensorlar o‘rnatiladi. Old kamera suratga olish paytida siz va do‘stlaringizni ekranga sig‘dira oladi.
Shuningdek, smartfonda kamera uchun mo‘ljallangan bir qancha dasturlar hamda selfi-suratlar ramkalari mavjud bo‘ladi. Smartfonning orqa kamerasi esa 8 megapikselni tashkil etadi.
Smartfon 5,5 dyuym va 1280×720 o‘lchamli Triluminous displeyi, 1,2 GGers chastotaga ega Qualcomm Snapdragon to‘rt yadroli protsessori, 1 Gb tezkor va MicroSD yordamida 32 gigabaytgacha oshirish mumkin bo‘lgan 8 Gb ichki xotiraga ega bo‘ladi. Unda Android 4.4 KitKat operatsion tizimi o‘rnatiladi, akkumulyatorining quvvati esa 2500 mA·soatni tashkil etadi.
Xperia C3 smartfoni avgustdan boshlab chiqariladi. U qora, oq va och ko‘k rangdagi korpuslarda taqdim etiladi. Hozircha uning narxi qanday bo‘lishi haqida ma’lumotlar berilmagan.
Izoh (0)