LG kompaniyasi bolalar qo‘lida taqib yurishi mumkin bo‘lgan KizON gadjetini ishlab chiqarishni boshladi. Bu gadjet ota-onalarga ularning maktab yoshidagi bolalari qayerdaligi haqida ma’lumotlar yetkazib turadi, deyiladi Gadgetsofworld.com saytida.
Ota-onalar KizON orqali farzandlari bilan bog‘lanishi mumkin. Bolalarning o‘zlari ham avvaldan kiritilgan raqam yordamida ota-onalariga qo‘ng‘iroq qilishi mumkin.
Uning 400 mA·soat quvvatga ega batareyasi to‘liq zaryadlanganda 36 soatga yetishi mumkin.
Brasletda tabiiy va bezarar materiallardan foydalanilgan. Uning ko‘k, pushti va yashil rangdagi ko‘rinishlari mavjud bo‘ladi. KizON gadjeti 10-iyul kuni Janubiy Koreyada taqdim etildi. Endi Shimoliy Amerika hamda Yevropada taqdimot o‘tkaziladi.
Izoh (0)