Toshkent shahri Xamza tumani militsiya xodimlari Chevrolet Captiva mashinasidan avtomobil egasining shaxsiy mulkini o‘g‘irlagan shaxsni qo‘lga oldi, deb xabar beradi 12news.uz Ichki ishlar vazirligining “Na postu” nomli rasmiy nashriga tayanib.
Nashrda qayd etilishicha, jinoyatchi qulay vaziyatdan foydalanib, avtomobil oynasini sindirgan va salondagi beshta plastik kartochka, mashina egasining fuqarolik pasporti, ikkita uyali aloqa vositasi, parfyumeriya mahsuloti va 250 AQSh dollari miqdoridagi pulni o‘g‘irlagan.
Jabrlanuvchi ichki ishlar organlariga murojaat qilgan. Tergov-qidiruv ishlarida jinoyatchi avtomobil egasining qo‘shnisi ekani aniqlandi va unga qarshi jinoiy ish qo‘zg‘atildi.
Izoh (0)