“Nankin—2014” o‘smirlar Olimpiadasida 27 nafar o‘zbek sportchilari ishtirok etadi

Xalqaro suzish federatsiyasi (FINA) tomonidan 2014-yilning 16—28-avgust kunlari Nankin shahrida o‘tkaziladigan ikkinchi o‘smirlar yozgi Olimpiada o‘yinlariga suzish sport turi bo‘yicha yo‘llanmaga ega bo‘lgan sportchilar ro‘yxati e’lon qilindi. Ushbu ro‘yxatdan o‘zbekistonlik sportchi Artem Puxnatiy ham o‘rin egallagan, deya xabar qiladi O‘zbekiston Milliy Olimpiya qo‘mitasining matbuot xizmati.

Xalqaro suzish federatsiyasi qaroriga ko‘ra, Artem “Nankin—2014” o‘yinlarida 200 metr masofaga kompleks usulda suzish musobaqasida sovrinli o‘rinlar uchun kurash olib boradi.

Shu tariqa, “Nankin—2014” o‘yinlariga litsenziyalar o‘ynaladigan musobaqalar yakuniga yetdi va bu galgi o‘smirlar Olimpiadasida 27 nafar o‘zbek sportchilari ishtirok etadi.