2011-yilda dzyudo bo‘yicha jahon chempioni, Pekin Olimpiadasining kumush medal sovrindori bo‘lgan Abdulla Tangriyev (+100 kg) ikki yillik diskvalifikatsiyadan so‘ng yana sportga qaytdi. Tangriyev 4-iyulda start olgan dzyudo bo‘yicha Mongoliyada o‘tkazilayotgan Gran-Prida ishtirok etadi. Bu haqda O‘zbekiston dzyudo federatsiyasining rasmiy saytida xabar berilgan.
Judo.ru’ning xabar qilishicha, 2012-yil 19-iyunda Tangriyev taqiqlangan preparatlarni iste’mol qilgani uchun ikki yilga sportdan chetlatilgan. 2014-yil 19-iyunda ushbu diskvalifikatsiyaning muddati tugagan.
Mongoliyada o‘tkazilayotgan Gran-Prida o‘zbekistonlik dzyudochilardan: Bahrom Inoyatov (-60 kg), Ulug‘bek Norqobilov (-66 kg), G‘iyosjon Boboyev (-73 kg) va boshqalar ham ishtirok etmoqda.
Izoh (0)