JCh — 2014’ning Fransiyaga qarshi bo‘ladigan chorak final bahsi oldidan Germaniya terma jamoasining yetti nafar futbolchisi grippga chalindi. Buni terma jamoa bosh murabbiyi Yoaxim Lyov ham tasdiqladi. Bu haqda Stadion.uz xabar beradi.
“Yetti nafar futbolchi gripp simtomi bilan og‘rib qoldi. Mehmonxonalarda kuchli konditsionerlar ishlamoqda. Undan tashqari futbolchilar ko‘p uchishyapti, havo haroratining keskin o‘zgarishiga duchor bo‘lishyapti. Vaziyatni fojiaga aylantirmoqchi emasman. Ular o‘yingacha sog‘ayib ketishadi deb umid qilaman”, - dedi Yoaxim Lyov
Aynan qaysi futbolchilar kasal bo‘lib qolgani haqida ma’lumot berilmagan.
Fransiya va Germaniya terma jamoasi o‘rtasidagi o‘yin 4-iyul kuni Toshkent vaqti bilan soat 21:00 da boshlanadi.
Izoh (0)