Italiyalik raqibini tishlab olgan futbol bo‘yicha Urugvay terma jamoasi hujumchisi Luis Suares qilgan ishi uchun uzr so‘radi. Twitter’dagi mikroblogida ma’lum qilishicha, Suares bo‘lgan voqeadan “qattiq afsusda”, deya xabar beradi “Kun”.
“Bir necha kun davomida uyda oilam bilan bo‘lganimdan so‘ng, menda o‘z xotirjamligimni tiklash va 2014- yilning 24-iyun kuni, Italiya — Urugvay o‘yini vaqtida sodir bo‘lgan voqeani chuqur o‘ylab ko‘rish imkoni bo‘ldi”, — deb yozadi futbolchi.
https://twitter.com/luis16suarez/status/483659463417548800
“Men bo‘lgan voqeadan qattiq afsusdaman. Men Jorjo Kyellinidan va butun futbol hamjamiyatidan uzr so‘rayman. Bunday voqea boshqa takrorlanmasligiga so‘z beraman”, — dedi Suares.
Eslatib o‘tamiz, Braziliyadagi JCh — 2014 vaqtida Italiya terma jamoasi himoyachisi Jorjo Kyellinini tishlab olgani uchun, FIFA Suaresni to‘rt oyga futboldan chetlatdi.
Izoh (0)