LG kompaniyasi o‘zining yangi G3 flagman smartfoni dunyo bo‘yicha sotila boshlaganini e’lon qildi. Ayni paytda uni faqat Koreyada rasman sotib olish mumkin, biroq 27-iyundan boshlab qurilmani Gonkong, Indoneziya, Singapur va Filippin aholisi ham xarid qilishi mumkin bo‘ladi.
Mail.ru xabar berishicha, Osiyodagi qolgan mamlakatlar va Yevropada esa LG G3 iyuldan sotila boshlaydi.
Avvalroq Janubiy Koreyada Samsung Galaxy S5’ga nisbatan LG G3 smartfoni ko‘proq sotilayotgani xabar qilingan edi. Janubiy Koreyada sotuvga chiqarilganidan bir necha kun o‘tib, 25—30 mingta LG G3 sotilgan, bu LG G2’ning o‘tgan yilgi ko‘rsatkichidan deyarli ikki marta va Galaxy S5’ning dastlabki savdo hajmidan uch marta ko‘p demakdir.
Eslatib o‘tamiz, yangi telefon “romsiz” dizayn, orqa paneldagi sezilarsiz tugmalar va silliqlangan metall teksturasiga ega.
LG G3 5,5 dyuymli 2560×1440 pikselli displey, to‘rt yadroli Qualcomm Snapdragon 805 protsessori, 3 Gb tezkor, 16/32 Gb ichki xotira, 13 megapikselli old kamera hamda 3000 mAh sig‘imidagi akkumulyator bilan jihozlangan.
27-may kuni yangi smartfon San-Fransisko, Nyu-York va Londonda, bir kundan keyin Seul, Singapur va Istanbulda taqdim etildi.
Izoh (0)