Huquqiy masalalar bo‘yicha Braziliya sudi FIFA’ga 2014-yilgi jahon chempionatining barcha matchlarida havo harorati 32 darajadan yuqori bo‘lsa, har yarim soatda tanaffus uyushtirib turish majburiyatini yukladi. Buni futbolchilarga suv ichib olish imkoniyatini berish maqsadida joriy qilishmoqchi, deya xabar berdi Gazeta.ru.
Agar FIFA ushbu buyruqni bajarmasa, har bir uchrashuv uchun 200 ming real (taxminan 90 ming dollar) miqdorida jarima to‘laydi.
Hukm mustaqil davlat prokurorlarining futbolchilar nomidan bergan shikoyatlari asosida chiqarildi. Ular Braziliya qonunchiligida havo harorati 32 darajadan oshsa, matchlarda tanaffus qilish kerakligi haqidagi moddani topib olishgan.
FIFA vakili Delia Fisherning aytishicha, hozircha hech qaysi matchda harorat 32 darajadan oshmagan.
Izoh (0)