Apple kompaniyasi iWatch “aqlli” soatini iyulda ishlab chiqarishni boshlaydi. “ITAR-TASS” xabar berishicha, liniyani ishlab chiqarishning 70 foizdan ortig‘i Tayvanning Quantum Computer kompaniyasiga topshirilgan. Korporatsiya 2014-yilda 50 millionta qurilmani bozorga yetkazib berish niyatida.
Manbalar xabariga ko‘ra, soatning sensorli ekrani doira emas, to‘rtburchak shaklida bo‘ladi. Uning diagonali 2,5 dyuymni tashkil qiladi. Soat smartfonga ulanmasdan, avtonom ravishda ishlay oladi.
“Aqlli” soat yordamida foydalanuvchilar o‘z jismoniy ahvolini nazorat qilib borishi, pulsini va qadamlari sonini o‘lchashi, smartfonga ulangan holida esa qo‘ng‘iroqlarga javob berib, pochta va xabarlarni tekshirishi mumkin bo‘ladi.
Qurilmaga hozircha rasmiy nom berilmagan.
Avvalroq “aqlli” soatning oktabr oyida sotuvga chiqishi haqida xabar berilgan edi.
Izoh (0)