KXDR yetakchisi Kim Chen In Rossiya kuni munosabati bilan tabrik telegrammasini jo‘natdi, deya xabar berdi “ITAR-TASS”.
“Prezident rahbarligi ostida Rossiya xalqi mamlakat xavfsizligi va barqarorligini ta’minlashda, iqtisodiyotni modernizatsiya qilishda va mudofaa qobiliyatini mustahkamlashda katta muvaffaqiyatlarga erishdi”, — deyiladi maktubda.
Kim Chen In fikricha, Rossiya va Shimoliy Koreya o‘rtasidagi do‘stlik va hamkorlik aloqalari “ularning xalqlari manfaati yo‘lida kengayishda va rivojlanishda davom etmoqda”. U ikki mamlakat munosabatlari “bundan keyin ham o‘zaro imzolangan hujjatlar asosida mustahkamlanib borishi”ga ishonch bildirgan.
Ta’kidlash joiz, may oyida Putin sobiq Ittifoq tomonidan taqdim etilgan kreditlar bo‘yicha respublika qarzdorligini tartibga solish haqida hukumatlararo shartnomani ratifikatsiya qilgan edi. Moskva Shimoliy Koreyaning 11 milliardlik qarzidan voz kechgan.
Izoh (0)