Rossiya prezidenti internet-servis orqali olti mingta ko‘chat sotib oldi

Rossiya prezidenti Vladimir Putin “Meshchera” milliy bog‘idagi o‘rmonni qayta tiklash ishida qatnashdi. Bu haqda Kun.uz xabar bermoqda.

Xabar berishlaricha, Rossiya davlat rahbari internetdagi maxsus servis yordamida olti mingta ko‘chat sotib olgan – ushbu ko‘chatlar yaqin vaqt ichida milliy boqqa o‘tqazib chiqiladi.

Putinga ushbu imkoniyatni Rossiyadagi Internet-tashabbuslarni qo‘llab-quvvatlash jamg‘armasi tomonidan ko‘mak berilayotgan “startap-loyihalar”dan biri – “Marakuya” taqdim etgan.

Ushbu servis jahonning istalgan qismida istiqomat qilayotgan odamga jahonning istalgan boshqa joyidagi tabiiy ofat, kasallik yoki zararkunanda hasharotlardan jabr ko‘rgan o‘rmonlarga yordam berish imkonini taqdim etadi.

Servis yordamida kelishuv tugallanganidan so‘ng, prezident yordamchisi startap egasini pullar yaqin vaqt ichida o‘tkazib berilishini ta’kidladi.

Biroq Putin bunday yordamdan voz kechdi. “Men o‘z o‘rmonim uchun o‘zim to‘layman”, – deya qayd etdi Rossiya prezidenti.