Janubiy Koreyaning Daewoo va Hyundai kompaniyalaridan iborat konsorsium Talimarjon issiqlik elektr stansiyasida 861 million dollarlik modernizatsiya ishlarini boshladi. Bu haqda “O‘zbekenergo” DAK vakili “Noviy vek” nashriga ma’lum qildi.
Uning so‘zlariga ko‘ra, asosiy texnologik uskunalar yetkazilgan, kompaniyalar shartnomani bajarishga kirishishgan.
2013-yil martida Daewoo va Hyundai tender natijalariga ko‘ra “O‘zbekenergo” DAK bilan bunday shartnomani imzolagan edi. Uning shartlari 450 MVt quvvatiga ega ikkita bug‘-gaz qurilmasini qurib, tayyor holatda topshirishni nazarda tutadi.
Bug‘-gaz qurilmasini Yaponiyaning Mitsubishi Corporation kompaniyasi yetkazib beradi. Loyihani amalga oshirish muddati uch yil.
Izoh (0)