Janubiy Afrika Respublikasining Yoxannesburg shahrida pauerlifting bo‘yicha jahon chempionati bahslari o‘tkazildi. Dunyoning yetakchi sportchilari ishtirokida bo‘lib o‘tgan musobaqada o‘zbekistonliklar ham muvaffaqiyatli ishtirok etib, bitta oltin, to‘rtta kumush va ikkita bronza medalga sazovor bo‘ldi. Bu haqda O‘zbekiston Milliy Olimpiya qo‘mitasi matbuot xizmati xabar berdi.
Jumladan, og‘irlik vazni 72 kilogrammgacha bo‘lgan sportchilar musobaqasida O‘zbekiston sharafini himoya qilgan Alesya Lishinskaya oltin va kumush medallarni qo‘lga kiritgan bo‘lsa, terma jamoa yetakchilaridan yana biri Xusniddin Bo‘riyev (-53 kg) ikkitadan kumush va bronza medali sohibi bo‘ldi.
Eslatib o‘tamiz, 2013-yili Rossiyada o‘tkazilgan jahon chempionatida Xusniddin Bo‘riyev oltin va kumush medal sovrindori bo‘lgan edi.
Bu yilgi jahon chempionatida ham munosib ishtirok etgan pauerliftingchilar 11-iyun kuni soat 05:30 da O‘zbekistonga qaytib keladi.
Izoh (0)