Apple iPhone va iPad uchun mo‘ljallangan yangi iOS 8 operatsion tizimini taqdim etdi. Korporatsiya rahbari Tim Kuk WWDC 2014 Butunjahon ishlab chiquvchilar anjumanida uning imkoniyatlari haqida gapirib berdi. Bu haqda “ITAR-TASS” xabar berdi.
Interfeys o‘zgarmasdan iOS 7 dagi kabi qoldi. OTda bildirishnomalar tizimi yangilandi va yanada interaktiv xususiyat kasb etdi: endi foydalanuvchi dasturlardan chiqmasdan bildirishnomalarga javob berishi mumkin bo‘ldi.
Spotlight dasturi (Apple’ning integratsiyalashgan qidiruv vositasi) dasturlarda ham, iTunes’dagi qo‘shiqlarda ham izlaydigan bo‘ldi.
QuickType klaviaturasi yangilandi: endi u tez kiritish uchun so‘zlarni taklif qiladi.
Kompaniya o‘z messenjerini ham yangilab, unga guruh xabarlarini jo‘natish va audiojavob yuborish funksiyalarini qo‘shdi.
Shuningdek, operatsion tizimda HealthKit dasturi paydo bo‘ldi, u turli sog‘liq ko‘rsatkichlarini ifoda etadi. Unda har xil tibbiy ma’lumotlarni ham saqlash mumkin.
Yangi funksiyalardan yana biri Family Sharing oila a’zolari o‘rtasida fotosuratlar, eslatmalar, qaydlarni avtomatik tarzda tarqatish imkonini beradi. Bundan tashqari, u orqali bolalarning qayerdaligidan xabardor bo‘lish mumkin.
Siri dasturi esa Shazam musiqiy kompozitsiyalarni aniqlash servisi bilan integratsiyalashdi.
Yana bir yangi funksiya esa fotosuratlar ustida ishlash bilan bog‘liq bo‘lib, uning yordamida yorqinlik, kontrastlik va boshqa parametrlar o‘zgartiriladi.
Izoh (0)