O‘zbekistonda ikki yirik mehmonxona va “Yoshlik” sport kompleksi ta’mirlanadi
O‘zbekistonda ikki yirik mehmonxona — Buxorodagi Bukhara Palace va Samarqanddagi Afrosiyob Palace mehmonxonalari ta’mirlanadi va qayta jihozlanadi. Ta’mirlash ishlari 2015-yil may oyida yakunlanadi. Bu ishlar uchun mehmonxonalar ijarachilari va “O‘zbekturizm” milliy kompaniyasi javobgarlikni o‘z bo‘yniga oladi. Bu haqda Anhor.uz ma’lum qildi.
Bundan tashqari, “Yoshlik” sport-sog‘lomlashtirish kompleksi (sobiq NBU sport majmuasi) ham ta’mirlanadi. Rekonstruksiya ishlari 2014-yilning ikkinchi kavartalida yakunlanishi mo‘ljallangan. Ta’mirlash ishlarining muddatlari Vazirlar Mahkamasining 2014-yil 28-maydagi qarorida qayd etilgan.
Hujjatda, shuningdek, Tashkent Palace New mas’uliyati cheklangan jamiyatining yangi binosi qurilishi ham ko‘zda tutilgan.
Ma’lumot uchun: Bukhara Palace 223 xonaga ega bo‘lgan yirik mehmonxonalardan biri hisoblanadi. Afrosiyob Palace’da esa 278 ta nomer mavjud. Sayyohlarning TripAdvisor xizmatida bildirgan fikrlariga ko‘ra, ikkala mehmonxona ham respublika mehmonlari orasida juda mashhurdir.
