Hindistonda 14 va 15 yoshli opa-singillarni bir necha kishi zo‘rlab, so‘ng bo‘g‘ib o‘ldirishgan va murdalarini mango daraxtiga osib qo‘yishgan. Ular mahalliy iyerarxiyadagi eng quyi kastaga tegishli bo‘lgan. Bu haqda Euronews xabar berdi.
Jinoyatni sodir etishda gumon qilinib, uch kishi hibsga olindi, ulardan ikki nafari politsiyachilardir. Hodisa mamlakat shimolidagi qishloqlardan birida ro‘y bergan.
O‘tgan yili Hindiston hukumati zo‘ravonlik uchun jazoni qat’iylashtirgan. Guruh tomonidan amalga oshirilgan jinoyat uchun o‘lim jazosi belgilanishi mumkin. Hindistonda statistik ma’lumotlarga ko‘ra, har 22 daqiqada zo‘ravonlik sodir etiladi.
Izoh (0)