Ukraina ichki ishlar vaziri vazifasini bajaruvchi Arsen Avakov o‘z saytiga noma’lum kishilar tomonidan buzib kirilgani va uning nomidan soxta bayonotlar e’lon qilinganini Facebook’dagi sahifasida ma’lum qildi. Bu haqda “RIA Novosti” xabar berdi.
Saylovdagi ovozlarni hisoblash tizimi buzilgani haqidagi xabar ham to‘qima bo‘lib chiqdi. “Bularning barchasi saylov jarayonini buzishga qaratilgan xatti-harakatlardir”, — dedi u.
Avakov Ukraina Markaziy saylov qo‘mitasi tezkorlik bilan ishlayotganini qo‘shimcha qildi.
Bundan avval Ukrainada “Saylovlar” (“Выборы”) axborot-tahliliy tizimi noma’lum kishilar tomonidan buzib tashlangani, endi yakshanba kuni bo‘lib o‘tadigan prezident saylovlaridagi ovozlar qo‘lda hisoblanishi haqida Avakov saytida xabar paydo bo‘lgan edi.
Izoh (0)