Bugun,

  • USD 11095.31
  • RUB 173.84
  • EUR 10772.44

Buxoroda o‘rta maxsus, kasb-hunar ta’limi muassasalari o‘quvchilari o‘rtasida “Siz qonunni bilasizmi?” respublika ko‘rik-tanlovining mamlakat bosqichi bo‘lib o‘tdi. Bu haqda O‘zA xabar berdi.

“Siz qonunni bilasizmi?” respublika ko‘rik-tanlovida. Foto: O‘zA

“Siz qonunni bilasizmi?” respublika ko‘rik-tanlovida. Foto: O‘zA

“Kamolot” yoshlar ijtimoiy harakati markaziy kengashi, O‘rta maxsus, kasb-hunar ta’limi markazi hamkorligida tashkil etilgan tanlovda Qoraqalpog‘iston Respublikasi, viloyatlar va Toshkent shahridan 14 jamoa g‘oliblik uchun bahslashdi.

– Tanlovda ishtirok etuvchilarning soni yil sayin ortib bormoqda. Masalan, 2013-yilda quyi bosqichlarda 50 ming nafarga yaqin yosh ishtirok etgan bo‘lsa, joriy yilda bu ko‘rsatkich qariyb 55 mingga yetdi, – deydi “Kamolot” yoshlar ijtimoiy harakati markaziy kengashi raisining birinchi o‘rinbosari F. Muhammadjonova.

“Siz qonunni bilasizmi?” respublika ko‘rik-tanlovida. Foto: O‘zA

“Siz qonunni bilasizmi?” respublika ko‘rik-tanlovida. Foto: O‘zA

Tanlovda ishtirokchilarning O‘zbekiston Respublikasi Konstitutsiyasi, Oila va Mehnat kodekslarining yoshlarga oid bandlari hamda Oliy Majlis va mahalliy kengashlarga saylovlar, saylovchilarning huquqlari, aholini ish bilan ta’minlashga oid qonunlar, hukumat qarorlari bo‘yicha huquqiy bilim darajasi savol-javoblar orqali aniqlandi.

“Siz qonunni bilasizmi?” respublika ko‘rik-tanlovida. Foto: O‘zA

“Siz qonunni bilasizmi?” respublika ko‘rik-tanlovida. Foto: O‘zA

“O‘zbekiston Respublikasida yoshlarga oid davlat siyosatining asoslari to‘g‘risida”gi O‘zbekiston Respublikasi qonunining yangi tahriri loyihasi bo‘yicha takliflar taqdimoti huquqiy bilimdonlik ko‘rigida muhim yangilik bo‘ldi. Tanlovda jamoalar mazkur loyiha bo‘yicha yuzga yaqin takliflarini namoyish etdi.

“Siz qonunni bilasizmi?” respublika ko‘rik-tanlovida. Foto: O‘zA

“Siz qonunni bilasizmi?” respublika ko‘rik-tanlovida. Foto: O‘zA

Berdaq nomidagi Qoraqalpoq davlat universiteti qoshidagi 3-akademik litseyning “Femida” jamoasi tanlov g‘olibi, deb topildi. Ikkinchi o‘rinni Buxoro iqtisodiyot va bank kasb-hunar kollejining “Parlament” jamoasi egalladi. Uchinchi o‘rin Navoiy viloyati, Xatirchi tumanidagi agroservis kasb-hunar kollejining “Adolat” jamoasiga nasib etdi.

Shuningdek, turli nominatsiyalar bo‘yicha g‘oliblikni qo‘lga kiritgan jamoalar qimmatbaho sovg‘a va diplomlar bilan taqdirlandi.

Izoh
Asosiy yangiliklar
Mahalliy
O‘zbekiston va Qirg‘iziston fuqarolari ikki davlatga ID karta orqali o‘tishi mumkin bo‘ladi
Mahalliy
Hokimiyat xodimlarini ovqatlantirishga 1,3 milliard so‘m, talabalar uchun Dubayga sayohat, “tushunmasdan” lotni yutib qo‘ygan tadbirkor — 27-yanvardagi qiziqarli t...
Dunyo
Sayfullo Soipov 2017-yil Nyu-Yorkda yuz bergan teraktda aybdor deb topildi. U o‘limga hukm qilinishi mumkin