O‘zbekiston terma jamoasi a’zosi Svetlana Radzivil Xitoy poytaxti Pekin shahrida o‘tkazilgan yengil atletika bo‘yicha IAAF World Challenge musobaqasining beshinchi bosqichida 1 m 95 sm balandlikni zabt etib, kumush medal sovrindori bo‘ldi. Bu haqda O‘zbekiston Milliy Olimpiya qo‘mitasi matbuot xizmati xabar berdi.
Musobaqada oltin medalni xorvatiyalik Ana Shimich (1 m 98 sm) qo‘lga kiritgan bo‘lsa, Ispaniya vakili Rut Beytia (1 m 92 sm) bronza medal bilan taqdirlandi.
Eslatib o‘tamiz, 2010-yili Guanchjou shahri (Xitoy)da bo‘lib o‘tgan Osiyo o‘yinlarida Svetlana Radzivil oltin medalga sazovor bo‘lgan edi.
Izoh (0)