Shu hafta O‘zbekiston maktablarida o‘quv yili tugaydi. To‘qqizinchi sinf bitiruvchilarining umumiy soni 501,56 mingtani tashkil etadi. Bu haqda Xalq ta’limi vazirligi matbuot xizmati xabar berdi.
9-sinf bitiruvchilari o‘rtasida qaysi akademik litsey va kasb-hunar ta’limi muassasalariga o‘qish istaklarini aniqlash maqsadida o‘tkazilgan so‘rov natijalariga ko‘ra o‘quvchilarning 46 915 nafari (9,4%) akademik litseylarda, 450 392 nafari (90,6%) kasb-hunar kollejlarida o‘qish istaklarini bildirishgan.
Bugungi kunda 1–9-sinflarda 4 million 430 ming nafardan ortiq o‘quvchilar ta’lim oladi.
2013–2014-o‘quv yilida Investitsiya dasturiga ko‘ra 394 ta ta’lim muassasalari o‘quv jihozlari bilan, 1920 ta maktablar qo‘shimcha jihozlar bilan hamda 1485 ta maktablar kompyuter texnikalari bilan jami bo‘lib 2314 ta ta’lim muassasalari mebel, o‘quv-laboratoriya asbob-uskunalari, kompyuter texnikasi va sport anjomlari bilan jihozlanmoqda.
Joriy yilda jami 3024 ta umumta’lim maktablari hamda 48 ta bolalar musiqa va san’at maktablarini 106,2 mlrd so‘mlik mebel, o‘quv-laboratoriya asbob-uskunalari, kompyuter texnikasi, sport anjomlari va musiqa cholg‘u asbob-uskunalari bilan jihozlash ko‘zda tutilgan.
Izoh (0)