Yengil atletika bo‘yicha O‘zbekiston o‘smirlar terma jamoasi 2014-yilning 16—28-avgust kunlari Nankin shahri (Xitoy)da o‘tkaziladigan II yozgi o‘smirlar Olimpiya o‘yinlarining yo‘llanmalari o‘ynaladigan litsenzion musobaqada ishtirok etish uchun Tailandning Bangkok shahriga jo‘nab ketdi. Bu haqda O‘zbekiston Milliy Olimpiya qo‘mitasi matbuot xizmati xabar berdi.
21—22-may kunlari bo‘lib o‘tadigan musobaqada Osiyo davlatlarining vakillari ishtirok etadi. Unda O‘zbekiston sharafini 13 nafar sportchi himoya qiladi.
Quyida Bangkok shahriga yo‘l olgan sportchilar ro‘yxati berilgan:
- Oksana Molchanova – uzunlikka va uch xatlab sakrash;
- Gulruxsora Hoshimova – bosqon uloqtirish;
- Aziz Seytajiyev – balandlikka sakrash;
- Shohrux Baratov – 110 metr masofaga to‘siqlar osha yugurish;
- Jaloliddin Hamroqulov – 100 metr masofaga yugurish;
- Farhod Suyunov – yadro uloqtirish;
- Sardor To‘raboyev – uzunlikka va uch xatlab sakrash;
- Aleksandra Yurkevskaya – balandlikka sakrash;
- G‘olib Tohirjonov – 800 metr masofaga yugurish;
- Anna Shimanis – 100 metr masofaga yugurish;
- Valeriya Pak – 200 metr masofaga yugurish;
- Viktoriya Dirdina – uzunlikka va uch xatlab sakrash;
- Kamila Yakubova – 400 metr masofaga to‘siqlar osha yugurish.
Izoh (0)