Namangan shahrida O‘zbekiston o‘quvchi-yoshlarining katta sport bayrami — “Barkamol avlod—2014” respublika musobaqalarini yuksak saviyada o‘tkazish uchun puxta tayyorgarlik ko‘rildi, deb xabar beradi O‘zA.
Musobaqalarning tantanali ochilish va yopilish marosimlari bo‘lib o‘tadigan “Navbahor” markaziy stadioni, musobaqalar o‘tkaziladigan “Barkamol avlod”, “Pahlavon” sport majmualari, “Do‘stlik” tennis korti, Namangan viloyat madaniyat va sport ishlari boshqarmasi qoshidagi oliy sport mahorat maktabi, Namangan muhandislik pedagogika instituti, Olimpiya zaxiralari kollejining sport zallari va beshta ta’lim muassasasining talabalar turar-joylari hamda uchta ovqatlanish majmuasi shay holatga keltirildi. Shahar ko‘chalarini illiminatsion yoritish va bayramona bezash ishlari ham yakuniga yetkazildi.
Izoh (0)