18-may kuni nishonlanadigan Xalqaro muzeylar kuni munosabati bilan O‘zbekiston muzeylarida ochiq eshiklar kuni o‘tkaziladi. Bu haqda Gazeta.uz xabar berdi.
Madaniyat va sport ishlari bo‘yicha vazirlikka qarovchi barcha muzeylar yakshanba kuni bo‘yi bepul ishlaydi. Ularning ko‘pchiligida maxsus bayram tadbirlari o‘tkaziladi.
Poytaxtda, shuningdek, Temir yo‘l texnikasi muzeyi (ish vaqti 9:00 dan 18:00 gacha), Tabiat muzeyi (10:00 dan 17:00 gacha), Planetariy (9:00 dan 14:00 gacha) va boshqa muzeylarga ham bepul tashrif buyurish mumkin.
Bayramdan boshqa kunlari ham Oybek, Muxtor Ashrafiy, Tamaraxonim, O‘rol Tansiqboyev, Yunus Rajabiy, Sergey Yesenin kabi taniqli kishilarning uy-muzeylari bepul ishlaydi. Biroq ularga tashrif buyurishdan avval qo‘ng‘iroq qilib qo‘yish lozim.
Nashrning eslatishicha, may oyi davomida O‘zbekistonda muzeylar oyligi o‘tkazilmoqda.
Izoh (0)