Ta’lim va madaniyat bo‘yicha Yevropa Komissariyasi Direktoratining oliy ta’lim va xalqaro ishlar bo‘yicha direktori Jordi Kurell Markaziy Osiyo mamlakatlari uchun Erasmus+ mintaqaviy Axborot kunida ishtirok etish uchun Toshkentga tashrif buyurdi. Bu haqda O‘zbekistonda YeI tashkiloti Facebook’dagi sahifasida xabar qildi.
Erasmus+ — bu ta’lim, amaliy o‘qish, yoshlar va sport masalalari bo‘yicha 2014—2020-yillar uchun Yevropa Ittifoqining yangi dasturi. Dastur butun dunyo bo‘ylab, jumladan O‘zbekiston Respublikasidan talabalar, olimlar, o‘qituvchilar va universitet xodimlariga tadqiqot va ta’lim olish uchun YeI mamlakatlariga tashrif buyurish imkonini beradi.
Gazeta.uz yozishicha dastur doirasida 4 million kishi va 125 ta OTMni o‘qitish uchun mo‘ljallangan umumiy byudjet 14,7 milliard yevroni tashkil etadi, bu o‘tgan safardagi moliyalashtirish hajmidan 40 foizga ko‘p demakdir.
Izoh (0)