O‘zbekistonda olti kodeks va 21 ta qonunga o‘zgartishlar kiritildi

2014-yil 14-may kuni O‘zbekiston Respublikasi Prezidenti Islom Karimov “O‘zbekiston Respublikasining ayrim qonun hujjatlariga o‘zgartish va qo‘shimchalar kiritish, shuningdek, ayrim qonun hujjatlarini o‘z kuchini yo‘qotgan deb topish to‘g‘risida”gi Qonunga imzo chekdi. Qonunning rasmiy matni “Xalq so‘zi” va “Narodnoye slovo” gazetalarida e’lon qilindi, deb yozadi huquqshunos Xushnudbek Xudayberdiyev o‘z saytida.

Mazkur Qonun Oliy Majlis Qonunchilik palatasi tomonidan 2014-yil 2-aprelda qabul qilingan hamda Senat tomonidan 2014-yil 10-aprelda ma’qullangan edi.

Qonun asosida oltita Kodeks hamda 21 ta Qonunga o‘zgartish va qo‘shimchalar kiritildi, shuningdek, ayrim qonun hujjatlari o‘z kuchini yo‘qotdi.

Qonun rasmiy e’lon qilingan kundan e’tiboran kuchga kirdi. Faqat Xo‘jalik protsessual kodeksiga kiritilgan ayrim o‘zgartishlar 2014-yilning 1-sentabridan e’tiboran amalga kiritilishi belgilandi.

Quyida o‘zgartish va qo‘shimchalar kiritilgan qonun hujjatlari ro‘yxati keltirilgan:

O‘zgartish va qo‘shimchalar kiritilgan kodekslar

1. O‘zbekiston Respublikasining Havo kodeksi
2. O‘zbekiston Respublikasining Jinoyat kodeksi
3. O‘zbekiston Respublikasining Ma’muriy javobgarlik to‘g‘risidagi kodeksi
4. O‘zbekiston Respublikasining Fuqarolik kodeksi
5. O‘zbekiston Respublikasining Fuqarolik protsessual kodeksi
6. O‘zbekiston Respublikasining Xo‘jalik protsessual kodeksi

O‘zgartish va qo‘shimchalar kiritilgan qonunlar

1. “Aloqa to‘g‘risida”
2. “Auditorlik faoliyati to‘g‘risida”
3. “O‘zbekiston Respublikasi Vazirlar Mahkamasi to‘g‘risida”
4. “Mahalliy davlat hokimiyati to‘g‘risida”
5. “Bankrotlik to‘g‘risida”
6. “O‘zbekiston Respublikasining Konstitutsiyaviy sudi to‘g‘risida”
7. “O‘zbekiston Respublikasining Markaziy banki to‘g‘risida”
8. “Buxgalteriya hisobi to‘g‘risida”
9. “Notariat to‘g‘risida”
10. “Xo‘jalik yurituvchi sub’ektlar faoliyatining shartnomaviy-huquqiy bazasi to‘g‘risida”
11. “Xo‘jalik yurituvchi sub’ektlar faoliyatini davlat tomonidan nazorat qilish to‘g‘risida”
12. “Radiochastota spektri to‘g‘risida”
13. “Baholash faoliyati to‘g‘risida”
14. “Sud hujjatlari va boshqa organlar hujjatlarini ijro etish to‘g‘risida”
15. “Xo‘jalik shirkatlari to‘g‘risida”
16. “Mas’uliyati cheklangan hamda qo‘shimcha mas’uliyatli jamiyatlar to‘g‘risida”
17. “O‘zbekiston Respublikasi Oliy Majlisi Qonunchilik palatasining Reglamenti to‘g‘risida”
18. “Xususiy korxona to‘g‘risida”
19. “Qonunlar loyihalarini tayyorlash va O‘zbekiston Respublikasi Oliy Majlisining Qonunchilik palatasiga kiritish tartibi to‘g‘risida”
20. “Hakamlik sudlari to‘g‘risida”
21. “Qimmatli qog‘ozlar bozori to‘g‘risida”

O‘z kuchini yo‘qotgan qonun hujjatlari

1. O‘zbekiston Respublikasi Oliy Kengashining 1992-yil 9-dekabrda qabul qilingan “O‘zbekiston Respublikasi Prokuraturasi idoralari xodimlarining darajali maxsus unvonlari to‘g‘risidagi Nizomni va O‘zbekiston Respublikasi Prokuraturasi idorasi xodimlarini rag‘batlantirish va ularning intizomiy javobgarligi to‘g‘risidagi Nizomni tasdiqlash haqida”gi748–XII-sonli Qarori (O‘zbekiston Respublikasi Oliy Kengashining Axborotnomasi, 1993-yil, № 1, 31-modda);
2. O‘zbekiston Respublikasi Oliy Majlisining 1996-yil 30-avgustda qabul qilingan “O‘zbekiston Respublikasi prokuratura organlarining xodimlarini rag‘batlantirish va ularning intizomiy javobgarligi to‘g‘risidagi Nizomni tasdiqlash haqida”gi 282–I-sonli Qarori (O‘zbekiston Respublikasi Oliy Majlisining Axborotnomasi, 1996-yil, № 9, 145-modda);
3. O‘zbekiston Respublikasining 1999-yil 20-avgustda qabul qilingan “O‘zbekiston Respublikasining ayrim qonun hujjatlariga o‘zgartishlar va qo‘shimchalar kiritish to‘g‘risida”gi 832–I-sonli Qonunining (O‘zbekiston Respublikasi Oliy Majlisining Axborotnomasi, 1999-yil, № 9, 229-modda) VII bo‘limi.