Latviyaning Vantspils port shahri meri Ayvars Lembergs NATO bosh kotibi Anders Fog Rasmussenga xat yuborib, uni alyans davlatlari dengizchilarining nomunosib xatti-harakatlari uchun kechirim so‘rashga da’vat etdi. Bu haqda “ITAR-TASS” xabar berdi.
NATO harbiy xizmatchilari u yerga 9—22-may kunlari Boltiq dengizida bo‘lib o‘tadigan mina-tral kuchlari xalqaro mashg‘ulotlarida qatnashish uchun borgan.
Ma’lum bo‘lishicha, alyans mamlakatlari dengizchilari Ventspils aholisi bilan janjallashib, turli jarohatlar olgan, murojaat shundan so‘ng yuborilgan.
“Dengizchilarning xatti-harakatlari va Ventspils portida turgan kemalarning harbiy texnika bilan qurollanganini hisobga olgan holda, ularning shahar aholisi uchun qay darajada xavfli ekanini bashorat qilib bo‘lmaydi, — deb yozadi mer. — Ayniqsa, mastlik paytida ular o‘zlarini nazorat qila olmasligiga amin bo‘ldik”.
Avvalroq Lembergs NATO dengizchilari spirtli ichimlik ichib olib, jamoat joylarini rasvo qilgani, bu bilan Latviya qonunlarini pisand qilmayotgani haqida ham aytib o‘tgan edi.
Izoh (0)