AQShning Minnesota shtatida bir yashar bola turar-joy binosining 11-qavatidagi balkondan tushib ketib, tirik qoldi. Bu haqda BBC News xabar berdi.
Bolakay bir necha joyidan lat yegan, qo‘li singan va o‘pkasi yorilgan. Shifoxonada uni o‘pkalarni sun’iy ventilyatsiya qilib turuvchi uskunaga ulab qo‘yishdi. Shifokorlarning aytishicha, u og‘ir, biroq barqaror ahvolda.
Taxmin qilinishicha, 15 oylik bola oilasi bilan yashaydigan uy balkonidagi panjaralar oralig‘idan o‘tib tushib ketgan
Shifokor Tina Slasher ushbu hodisani mo‘jizaga tenglashtirdi, chunki hatto katta odam ham yetti qavat balandlikdan yiqilganida tirik qolishi amri mahol. Uning fikricha, bolakay o‘zining egiluvchan skeleti hamda tuproq ustidagi yumshoq yuzaga yiqilgani sharofati bilan tirik qolgan.
Izoh (0)