“Agrobank” ochiq aksiyadorlik tijorat bankidan 2014-yilning o‘tgan davrida iqtisodiyotning turli yo‘nalishlaridagi tadbirlarni moliyalashtirishga 647 milliard so‘m, bankning o‘z mablag‘lari hisobidan 301 milliard so‘mlik kreditlar ajratildi. Bu haqda O‘zA xabar berdi.
“Sog‘lom bola yili” Davlat dasturi doirasida “Agrobank”dan kichik biznes va xususiy tadbirkorlik subyektlarini qo‘llab-quvvatlashga qaratilgan loyihalar uchun 750 milliard so‘m miqdorida kredit ajratilishi rejalashtirilgan bo‘lib, hozirga qadar 170 milliard so‘m sarmoyalar mijozlarga yetkazib berildi. Shundan 53,8 milliard so‘mi mikrokreditlardir. Bundan tashqari, tadbirkor ayollarning biznes-loyihalarini moliyalashtirishga 16,3, hunarmandlikni kengaytirishga 2,9, aholiga uy-ro‘zg‘or buyumlari xarid qilish uchun 11,4 milliard so‘m miqdorida iste’mol kreditlari ajratildi.
Joriy yilning o‘tgan davrida tadbirkorlik orqali ichki bozorni ta’minlaydigan ishlab chiqarish obyektlarini qo‘llab-quvvatlash, ularning eksport salohiyatini oshirish hamda aholi turmush farovonligini yaxshilash maqsadida 151 milliard so‘mlik sarmoya ajratildi.
Izoh (0)