Toshkentda boks bo‘yicha xalqaro turnir boshlandi

Poytaxtda boks bo‘yicha O‘zbekistonda xizmat ko‘rsatgan murabbiy Sidney Jakson xotirasiga bag‘ishlangan an’anaviy xalqaro turnir boshlandi, deb xabar beradi O‘zA.

“O‘zbekiston” sport majmuasida o‘tkazilayotgan an’anaviy xalqaro turnirda o‘zbekistonliklar bilan birga 10 ga yaqin mamlakatdan 100 nafardan ziyod bokschi g‘oliblik uchun kuch sinashmoqda.

Turnir terma jamoamiz a’zolari uchun joriy yilning 19-sentabr – 4-oktabr kunlari Janubiy Koreyaning Incheon shahrida o‘tkaziladigan XVII Osiyo o‘yinlariga muhim tayyorgarlik bosqichi vazifasini o‘taydi. Turnirda jahon va qit’a chempionatlari sovrindorlari bilan bir qatorida yosh iqtidorli sportchilarimiz ham ishtirok etmoqda.