Obamani o‘ldirmoqchi bo‘lgan amerikalik qatl etiladi

AQShning Janubiy Dakota shtati sudi mamlakatning 44-prezidenti bo‘lgan Barak Obamaga suiqasd qilishni rejalashtirgan shaxsni inyeksiya yordamida qatl etishga hukm qildi, deb xabar beradi “ITAR-TASS” ma’lumotiga tayanib Pressnews.

Hukm aynan suiqasd uchun emas, balki ayolni o‘ldirganlik uchun e’lon qilingan. Ushbu qotillik prezidentga suiqasd rejasining bir qismi bo‘lgan.

44 yoshli, ruhiy kasallikka chalingan Jeyms Makvey sudda avtomobilini olish uchun 75 yoshli Meybl Sheynni o‘ldirganini tan oldi. Avtomobil esa Vashingtonga yetib olish uchun kerak bo‘lgan, deyiladi “ITAR-TASS” xabarida.

Vashingtonda esa Makvey Barak Obamani o‘ldirishni rejalashtirgan. Ayblov tomoni suddan Jeyms Makveyning salomatligini inobatga olib, u uchun muddatidan avval ozodlikka chiqish imkoniyatisiz, umrbod qamoq jazosiga hukm qilishni so‘radi.

Ammo sud jazoni yengillashtiruvchi sababga e’tibor qaratmadi va eng og‘ir jazoga hukm qildi.