Motorola 13-may kuni kompaniya Google’ga tegishli bo‘lgan davrda ishlab chiqilgan so‘nggi smartfonni taqdim etdi. Bu haqda PC World nashri xabar berdi.
Yangi Moto E smartfoni AQSh va Angliyada shartnomasiz 150 dollar turadi. Nashrning fikricha, Motorola bundan avvalgi Moto G smartfonining ommabopligidan foydalanib qolmoqchi.
Smartfon 5 megapikselli asosiy kamera, 4 Gb ichki xotiraga ega bo‘ladi. Inglizcha versiyasi to‘rt yadroli protsessor va LTE bilan ta’minlanadi. Taqdimotdagi suratlarga ko‘ra, qurilma Android operatsion tizimida ishlaydi, deb yozadi nashr.
30-yanvar kuni Google Motorola Mobility’ni Lenovo korporatsiyasiga sotdi. Oldi-sotdi hali rasman yakunlanmagan bo‘lsa-da, tez orada u bitishi va boshqa operatsion tizimda ishlaydigan Motorola smartfonlari paydo bo‘lishi kutilmoqda.
Izoh (0)